Сёньня даведаўся, што памёр Анатоль Сазонаў. Аднапартыец. Удзельнік практычна ўсіх акцыяў і кампаніяў, што я магу прыгадаць. Апошнія гады ён не езьдзіў на нейкія мерапрыемствы ў Менск (узрост усё ж — 75 гадоў), але заўсёды быў «у тэме», усё ведаў, пра ўсё чуў.



Дзякуй НН, што захавала яго на апошнім відэа падчас мінулага адзначэньня гадавіны Слуцкага збройнага чыну.

"Легенда Слуцкага БНФ", як я звычайна яго прэзэнтаваў. Чалавек, каторага я вельмі паважаў. Былы вайсковец. Апошнім часам даволі зблізіўся зь ім, пазнаёміўся з ягонай сям'ёй, даведаўся пра ягоныя зацікаўленасьці, стаў «сваім» на ягонай працы (ён працаваў лекарам).

Не памятаю выпадку, калі б ён непрыязна неяк паставіўся, не захацеў ісьці на кантакт.

Апошнім часам Анатоль Пятровіч ўсё зьбіраўся напісаць лісты Янукевічу і Севярынцу, так бы мовіць, з канструктыўнай крытыкай дзейнасьці, як асабіста іхнай, так і арганізацыяў, што яны ўзначальваюць.

Упэўнены, што напісаць Янукевічу і Севярынцу ён так і не пасьпеў. Бо збольшага яму проста было трэба з кімсьці «выгаварыцца».

Сьпі спакойна, сябра.


Віталь Амяльковіч, Партыя БНФ, Слуцк, паводле http://nn.by/